Milied Tipiku Olandiż

Diċembru huwa dak iż-żmien tas-sena meta t-tradizzjonijiet ħabta u sabta, isiru importanti ħafna għal kull wieħed u waħda minna. Kull pajjiż, kull reġjun u anke kull familja għandhom il-mod speċjali ta’ kif jiċċelebraw il-Milied. F’din is-serje, l-awturi ta’ MH jgħidulna dwar it-tradizzjonijiet favoriti tagħhom ta’ din il-vaganza.

Miktub minn Marthe Menses / 13.12.2017

“Kif ikun Milied tipiku Olandiż?”. Hekk ġejt mistoqsija meta kont miexja fit-toroq ta’ Praga, li kienet il-belt tiegħi għal ftit tax-xhur. It-tfajla li għamlitli l-mistoqsija kienet qed tfittex għal ispirazzjoni għall-film li kienet qed tagħmel dwar il-Milied. Jien u naħseb fi tweġiba, bdejt nitbissem. Mhux għax kont qed naħseb dwar “Milied tipiku Olandiż”, imma għax kont qed naħseb dwar “il-Milied Olandiż tagħna”: it-tip ta’ Milied li s-soltu nqatta’ d-dar ma’ familti. It-tip ta’ Milied tagħna li ma tantx huwa ffukat fuq ir-rigali u l-ilbiesi. It-tip ta’ Milied tagħna fejn sempliċiment ingawdu l-kumpanija, l-ikel u l-istejjer ta’ xulxin. It-tip ta’ Milied tagħna fejn nilbsu ħwejjeġ sbieħ biex nieklu man-nanniet, zijiet u kuġini tagħna, imma jekk irridu biss. U t-tip ta’ Milied tagħna wkoll saħansitra (normalment, it-tieni jum tal-Milied peress li fl-Olanda, il-Milied niċċelebrawh fuq jumejn) meta ommi, missieri, oħti u jien nintefgħu d-dar naraw films tal-Milied il-ġurnata kollha, filwaqt li kulħadd ikun liebes l-iktar qalziet ikrah li għandu.

Naħseb li kull persuna Olandiża oħra li ġiet mistoqsija din il-mistoqsija kien ikollha tbissima fuq wiċċha hi u taħseb fuq il-“Milied Olandiż tagħha”. Forsi t-tip ta’ Milied tagħhom fejn jippreparaw l-ikliet żgħar tagħhom f’taġnijiet żgħar fuq platti jaħarqu f’nofs il-mejda (għal xi raġuni l-Olandiżi jħobbu jagħmluha wisq din). Forsi t-tip ta’ Milied tagħhom fejn jiftħu r-rigali li jkunu miġburin gozz taħt is-siġra tal-Milied. Forsi t-tip ta’ Milied tagħhom fejn sempliċiment imorru mixja fl-għelieqi mal-għeżież tagħhom . forsi xi ħaġa totalment differenti.

U jkun kif ikun il-“Milied Olandiż tagħna” jew “il-Milied Olandiż tagħhom”, dan il-fatt sempliċi huwa dak li jagħmel “Milied Olandiż tipiku”, għax l-ebda Milied Olandiż ma huwa eżattament l-istess. Kulħadd jista’ jkollu l-Milied Olandiż tiegħu stess. U kulħadd għandu dan il-Milied sewwasew. U dan jogħġobni. Ħafna.

Awtriċi

Marthe Menses (In-Netherlands)

Tistudja: L-Amministrazzjoni Pubblika

Lingwi: Olandiż, Ingliż u ftit Franċiż

L-Ewropa hija… parti minn din id-dinja li nħossni xxurtjata ngħix fiha.

Traduttriċi

Paula Schembri (Malta)

Taħdem bħala: Traduttriċi mal-Kummissjoni Ewropea fid-Direttorat Ġenerali għat-Traduzzjoni

Lingwi: Malti, Ingliż, Franċiż, Ġermaniż u ftit Taljan

L-Ewropa hija… mimlija opportunitajiet.

Qarrejja tal-provi

Laura Cioffi (Malta)

Tistudja: Mużika

Lingwi: il-Malti, l-Ingliż, it-Taljan, il-Franċiż.

L-Ewropa hija … sinfonja umana li tinbidel kontinwament.

This post is also available in Bosanski - Hrvatski - Srpski, Català, English, Español, Français, Italiano, Nederlands, Português and [Main Site].

Author: Paula Schembri

Share This Post On

Submit a Comment

Your email address will not be published. Required fields are marked *

css.php