Tisjir man-Nanna (Spanja): froġa bil-patata

F’dan l-episodju mis-sensiela “Tisjir man-Nanna” se nurukom kif issajru il-platt popolari tal-froġa bil-patata, magħrufa wkoll bħala l-froġa Spanjola.

Spanja hija magħrufa madwar id-dinja għall-kċina tagħha. Ħafna mill-platti Spanjoli huma parti mid-dieta Mediterranja u ġew influwenzati storikament mill-post ġeografikament strateġiku tal-pajjiż fil-mappa. Grazzi għan-nanniet, illum il-ġurnata nistgħu ngawdu dawn ir-riċetti tradizzjonali b’tekniċi kulinari mill-passat, bħal fil-każ tal-froġa bil-patata.

L-ewwel u qabel kollox, x’ingredjenti għandna bżonn? Skont in-Nanna, froġa għal erba’ nies bil-ġuħ tirrikjedi 8 bajdiet, 6 patatiet, basla kbira, żejt u melħ. Tista’ żżid jew tneħħi xi ingredjenti, imma bħala bażi dejjem għandu jkollha l-bajd u l-patata, hekk kif muri hawn taħt:

Tortilla-1

L-ingredjenti tal-froġa bil-patata

1. Qaxxar il-patata u l-basla, qattagħhom biċċa biċċa u żid ftit melħ. Din hija l-aktar biċċa tedjanti mill-proċess, kuraġġ!

Tortilla-2

Id-daqs tal-patata mqattgħa

2. Aqli kollox fiż-żejt taż-żebbuġa u poġġi kollox ġo passatur biex tneħħi x-xaħam żejjed.

Tortilla-3

Uża ammont konsiderevoli ta’ żejt taż-żebbuġa

3. Ħabbat il-bajd u poġġihom ġo taġen biż-żejt taż-żebbuġa jbaqbaq flimkien mal-patata u l-basla u ħallih isir ftit. Il-ħxuna tal-froġa tiġi determinata mid-daqs tat-taġen; idealment għandek tuża taġen b’daqs bħal dan tar-ritratt:

Tortilla-4

Ħjiel: uża taġen tal-qali li ma jweħħilx.

4. Issa għall-aktar parti stressanti mill-preparazzjoni: il-qlib tal-froġa! In-nanna tirrakkommanda li dan nagħmluh permezz tal-għatu tat-taġen jekk m’għandniex ‘tortillera’.

Tortilla-5

Kont taf li fi Spanja teżisti din l-għodda tat-tisjir, imsejħa ‘tortillera’? Hija utli kemm biex taqleb il-frejjeġ, kif ukoll biex isservihom.

5. Se jkollok tirrepeti dan il-proċess xi darbtejn sakemm il-froġa ssir sew minn ġewwa. Imbagħad fl-aħħar tkun tista’ sserviha fi platt: il-froġa bil-patata hi lesta, l-ikla t-tajba!

Tortilla-6

Froġa bil-patata

Tortilla-7

L-ikla t-tajba!

[crp]

Awtriċi

Miriam Vázquez (Spanja)

Tistudja: Ġurnaliżmu u x-Xjenzi Politiċi u Amministrattivi

Lingwi: l-Ispanjol, il-Katalan, l-Ingliż, il-Ġermaniż, u xi Franċiż

L-Ewropa hi… post uniku fejn nies b’kulturi, lingwi u perspettivi differenti jgħixu flimkien.

Twitter: @mirabroad

Traduttriċi

Sephora Francalanza (Malta)

Tistudja: BA fil-Malti u l-Ingliż

Lingwi: Malti, Ingliż, Franċiż, Spanjol

L-Ewropa hija… ħallata ballata ta’ kulturi, valuri u stejjer.

Qarrejja tal-provi

Laura Cioffi (Malta)

Tistudja: Mużika

Lingwi: il-Malti, l-Ingliż, it-Taljan, il-Franċiż.

L-Ewropa hija … sinfonja umana li tinbidel kontinwament.

This post is also available in Català, Deutsch, English, Español, Français, Italiano, [Main Site] and Русский.

Author: Paula Schembri

Share This Post On

Submit a Comment

Your email address will not be published. Required fields are marked *

css.php

Billi tkompli tuża dan is-sit, qed tagħti l-kunsens tiegħek għall-użu ta' cookies. aktar informazzjoni

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close